பருத்திப் பெண்டின் சிறு தீ!

ஊர்முது வேலிப் பார்நடை வெருகின் இருட்பகை வெரீஇய நாகுஇளம் பேடை உயிர்நடுக் குற்றுப் புலாவிட் டரற்றச், சிறையும் செற்றையும் புடையுநள் எழுந்த பருத்திப் பெண்டின் சிறுதீ விளக்கத்துக், கலிர்ப்பூ நெற்றிச் சேவலின் தணியும் அருமிளை இருக்கை யதுவே -மனைவியும், வேட்டச் சிறா அர் சேட்புலம் படராது, படமடைக் கொண்ட குறுந்தாள் உடும்பின் விழுக்குநிணம் பெய்த தயிர்க்கண் மிதவை யாணர் நல்லவை பாணரொடு, ஒராங்கு வருவிருந்து அயரும் விருப்பினள்; கிழவனும் அருஞ்சமம் ததையத் தாக்கிப், பெருஞ்சமத்து அண்ணல் யானை அணிந்த பொன்செய் ஓடைப் பெரும்பரி சிலனே.