கூடல் பெருமரம்!

போருக்குச் சென்ற வீரர்களின் குதிரைகள் அனைத்தும் திரும்பியபோதும், சிறு புதல்வனின் தந்தையான வீரன் ஏறிச் சென்ற குதிரை மட்டும் திரும்பவில்லை. அது பெரும் போரின் மையத்தில் எதிர்ப்பைத் தாங்கி நின்று, இரு பெரு ஆறுகளின் கூடலில் வெள்ளத்தைத் தடுக்கும் பெருமரம் வீழ்வதுபோல் வீழ்ந்திருக்கலாம் எனப் பாடல் உணர்த்துகிறது. குதிரையின் போர்மறத்தையும் அதனுடன் சென்ற வீரனின் ஆபத்தான நிலையையும் குறுகிய படிமத்தில் வெளிப்படுத்துவதால் இது தும்பைத் திணையின் குதிரை மறத் துறையாகும்.