பொய்கையும் தீயும் ஒன்றே!

பூதபாண்டியன் இறந்தபின் தீப்பாய நினைத்த அவரது மனைவி பெருங்கோப்பெண்டை அரசியல் சுற்றத்தார் தடுத்து நாட்டை ஆளுமாறு வேண்டினர். ஆனால், கணவனை இழந்தபின் கைம்மை நோன்பின் துன்பவாழ்வை ஏற்க மறுக்கும் அவள், தன்னைத் தடுக்கிற சான்றோரை எதிர்த்து உரைக்கிறாள். கணவன் இல்லாத உலகில் குளிர்ந்த தாமரைப் பொய்கையும் ஈமத்தீயும் தனக்குச் சமம் எனும் கடுமையான உருவகம் அவளது ஆற்றாமையையும் உறுதியையும் வெளிப்படுத்துகிறது.