என் இடம் யாது?

கோப்பெருஞ்சோழன் வடக்கிருந்து உயிர்துறக்க முனைந்தபோது பொத்தியாரும் உடன் இருக்க விரும்பினார். ஆனால் பொத்தியாரின் மனைவிக்குக் குழந்தை பிறக்க வேண்டியிருந்ததால், ‘புதல்வன் பிறந்தபின் வா’ என்று சோழன் அவரைத் திருப்பி அனுப்பினான். பின்னர் மகன் பிறந்ததும் திரும்பிவந்த பொத்தியார், ஏற்கெனவே நடுகல்லாகிவிட்ட நண்பனை உயிருள்ளவனைப்போல் உரிமையுடன் அழைத்து, ‘எனக்கான இடம் எது?’ என்று கேட்கிறார். இறப்பையும் கடந்த நட்புரிமையும், நண்பனுடன் சேர்ந்து உயிர்விடத் துணியும் உறுதியும் பாடலின் மையமாகின்றன.