உண்பதும் உடுப்பதும்!

உலகமெங்கும் ஆளும் பேரரசனுக்கும் அன்றாட வாழ்வுக்காக உழைக்கும் எளிய மனிதனுக்கும் உடலின் அடிப்படைத் தேவைகள் அளவில் மிகச் சிறியவையே என்பதை நக்கீரனார் காட்டுகிறார். உணவு ஒரு நாழி; உடை இரண்டு. இதற்கு மேலாகச் சேர்க்கப்படும் செல்வத்தைத் தனக்கே வைத்துத் துய்ப்பதில் நிறைவு இல்லை. தேவைக்கு மீதியான செல்வத்தின் அறப்பயன் பிறர்க்கு ஈதலாகும்; இல்லையேல் மனித வாழ்வின் உயர்ந்த பயன்கள் தவறுகின்றன என்பதே பாடலின் மைய அறவுரை.