தருக பெருமானே!

காவிரிபூம்பட்டினத்துக் காரிக்கண்ணனார் பிட்டங்கொற்றனைச் சந்தித்து பரிசில் பெற விரும்பினாலும், அவன் தொடர்ந்து போரில் ஈடுபட்டிருப்பதால் சந்திக்கும் நேரம் அரிதாகிறது. படை முன்னேறும் போதும் எதிரிப்படை வரும் போதும் முன்னணியில் நின்று தன் படையைத் தாங்கும் அவனது வீரத்தைப் புகழ்ந்த புலவர், தமது சுற்றத்தாரின் வறுமை பெரிதாக இருப்பதால் கிடைத்த இந்தச் சந்தர்ப்பத்திலேயே பரிசில் தந்து விடை தருமாறு வேண்டுகிறார். இறுதியில் பகைவரால் குலைக்க முடியாத அவனது வெற்றியை வாழ்த்துகிறார்.