புலி வரவும் அம்புலியும்!

பெருஞ்சித்திரனார் தம் குடும்பத்தின் கடுமையான வறுமையை உயிரோவியமாகக் காட்டி குமணனிடம் பரிசில் வேண்டுகிறார். பாலில்லாத தாய்முலையில் பால் தேடும் குழந்தை, உணவு இருக்குமோ என்று காலியான பாத்திரங்களைத் திறந்து அழுவது, குழந்தையைத் தேற்ற புலி வருவதாகச் சொல்லியும் நிலவைக் காட்டியும் தவிக்கும் மனைவி ஆகிய காட்சிகள் வறுமையின் வேதனையை வெளிப்படுத்துகின்றன. குமணனின் புகழ்பெற்ற கொடைச்சிறப்பை நம்பியே தாம் விரைந்து வந்ததாகக் கூறி, விரைவில் பரிசளித்து அனுப்புமாறு வேண்டுகிறார்.