கொடைமடமும் படைமடமும்!

மழை எங்கு பயன் தரும், எங்கு பயன் தராது என்று வேறுபாடு பாராது பொழிவதுபோல் பேகன் தன்னிடம் வருவோருக்கு வரையறையின்றிக் கொடுப்பவன். அந்த அளவற்ற ஈகையைப் புலவர் ‘கொடைமடம்’ என்கிறார். ஆனால் அதே பேகன் போரில் அறிவின்றி நடப்பவன் அல்ல; பகைவர் படையோடு மோதும்போது யார்மீது எவ்வாறு போர் செய்ய வேண்டும் என்பதறிந்த வீரன். கொடையில் எல்லையற்ற பெருந்தன்மையும் போரில் தெளிந்த அறிவும் ஒரே அரசனிடம் இணைந்திருப்பதைப் பரணர் எதிர்மறைச் சொல்லாட்சியால் சிறப்பிக்கிறார்.