அதுதான் புதுமை!

போரில் ஒருவர் மற்றொருவரை வெல்வது புதுமையல்ல; ஆனால் தலையாலங்கானத்தில் பாண்டியன் நெடுஞ்செழியன் ஒருவனாய் நின்று, தன்னை எதிர்த்து ஒன்றுகூடிய ஏழு அரசர்களின் வலிமையையும் அடக்கி வென்ற நிகழ்வே இதுவரை கேள்விப்படாத புதுமை என்று இடைக்குன்றூர் கிழார் வியந்து பாடுகிறார். வேம்பும் உழிஞையும் சூடிய போர்க்கோலத்திலிருந்து ஏழரசர் தோல்விவரை பாடல் நகர்ந்து, வெற்றியின் அளவை எண்ணிக்கையால் அல்லாமல் தனித்து எதிர்கொண்ட வீரத்தால் உயர்த்துகிறது.