புற்கை நீத்து வரலாம்!

நெடும்பல்லியத்தனார் பற்றிய வேறு குறிப்புகள் அதிகம் கிடைக்கவில்லை என ஔவை உரை கூறுகிறது. இப்பாடலின் முதலடியில் யாழ், ஆகுளி, பதலை ஆகிய பல இசைக்கருவிகள் தொகுத்துக் கூறப்படுவதைக் கொண்டு அவரது பெயரை விளக்க முயல்வோர் உள்ளதாகவும், ‘நெடும்பல்லியத்தை’ என்ற பெண்பாற் பெயரும் வழங்குவதால் அந்த விளக்கம் உறுதியானதல்ல என்றும் உரை குறிப்பிடுகிறது. முதுகுடுமிப் பெருவழுதி போர்க்களத்தில் இருப்பதை அறிந்தும் அங்கே சென்று பரிசில் பெற நினைப்பது, அரசனின் வண்மையையும் புலவரின் வறுமைக் கொடுமையையும் ஒருங்கே காட்டுகிறது.