வடபுலம் நோக்கிய வேட்டை

அணங்குடை நெடுங்கோட் டளையக முனைஇ முணங்குநிமிர் வயமான் முழுவலி யொருத்தல் ஊனசை யுள்ளந் துரப்ப விரைகுறித்துத் தான்வேண்டு மருங்கின் வேட்டெழுந் தாங்கு

வடபுல மன்னர் வாட வடல்குறித் தின்னா வெம்போ ரியறேர் வழுதி இதுநீ கண்ணிய தாயி னிருநிலத் தியார்கொ லளியர் தாமே

ஊர்தொறும் மீன்சுடு புகையின் புலவுநாறு நெடுங்கொடி வயலுழை மருதின் வாங்குசினை வலக்கும் பெருநல் யாணரி னொரீஇ யினியே கலிகெழு கடவுள் கந்தங் கைவிடப் பலிகண் மாறிய பாழ்படு பொதியில் நரைமூ தாளர் நாயிடக் குழிந்த வல்லி னல்லக நிறையப் பல்பொறிக் கான வாரண மீனும் காடாகி விளியு நாடுடை யோரே