நண்பின் பண்பினன் ஆகுக!

அழல் புரிந்த அடர் தாமரை ஐது அடர்ந்த நூற் பெய்து, புனை விளைப் பொலிந்த பொலன் நறுந் தெரியல் பாறு மயிர் இருந்தலை பொலியச் சூடிப், பாண் முற்றுக, நின் நாள்மகிழ் இருக்கை! பாண் முற்று ஒழிந்த பின்றை, மகளிர் தோள் முற்றுக, நின் சாந்துபுலர் அகலம்!

கொடியோர்த் தெறுதலும், செவ்வியோர்க்குஅளித்தலும், ஒடியா முறையின் மடிவிலை யாகி ‘நல்லதன் நலனும் தீயதன் தீமையும் இல்லை’ என்போர்க்கு இனன் ஆகி லியர்!

பெற்றனர் உவக்கும் நின் படைகொள் மாக்கள் பற்றா மாக்களின் பரிவு முந்து உறுத்துக், கூவை துற்ற நாற்கால் பந்தர்ச், சிறுமனை வாழ்க்கையின் ஒரீஇ, வருநர்க்கு உதவி ஆற்றும் நண்பின் பண்புடை ஊழிற்று ஆக, நின் செய்கை!